EKSKÚRSİYA (lat. excursion – gәzinti, sәyahәt) – muzey, sәrgi vә digәr görmәli yerlәrә kollektiv vә ya fәrdi şәkildә öyrәnmәk, yaxud әylәncә mәqsәdilә edilәn gәzinti, sәyahәt. E. obyekt haqqında zәruri mәlumatları auditoriyaya çatdıran ixtisaslaşmış ekskursya rәhbәri tәrәfindәn hәyata keçirilir. Mәzmununa görә icmal (çoxplanlı), tematik, tәdris vә reklam xarakterli; tәrkibinә vә iştirakçıların sayına görә fәrdi, kollektiv, yerli әhali, yaxud gәlmә turistlәrlә, yaş kateqoriyasından asılı olaraq böyüklәr vә kiçiklәr üçün vә s.; keçirildiyi mәkana görә şәhәr, әhәrdәnkәnar, muzey, kompleks, istehsalat, mәdәni-maarif; hәrәkәt tәrzinә görә piyada, nәqliyyat vasitәsilә vә ya kombinә edilmiş şәkildә; keçirilmә formalarına görә kütlәvi-ekskursiya, gәzinti-ekskursiya, E.-mühazirә, E.-konsert, E.-tamaşa vә s. növlәri var.

E. mәktәbdә tәlimin tәşkili formalarından biri, mәktәbdәnkәnar tәdbirdir. Mәktәbdә müxtәlif fәnlәr üzrә tapşırıqların yerinә yetirilmәsinә yönәlmiş kompleks E.- lar da nәzәrdә tutulur. Tәdrisin mövzusu geniş olduqda, E. bir neçә mәrhәlәdә keçirilir.