ƏFƏNDİYEV Mәmmәd Rәşid oğlu [5.10. 1887, Nuxa (indiki Şәki) – 1.6.1977, Bakı] – Azәrb. riyaziyyatçısı, prof. (1945), Azәrb. SSR әmәkdar elm xadimi (1943). R.Əfәndiyevin oğludur. Peterburq Dövlәt Un-tini bitirmişdir (1914). 1924 ildәn Azәrb. Dövlәt Pedaqoji İn-tunda fәaliyyәtә başlamış, riyaziyyat vә tәbiyyat elmlәri fakültәsinin dekanı (1934–35), Azәrb. Dövlәt Un-tindә riyazi analiz kafedrasının müdiri (1935–65) vәzifәlәrindә çalışmışdır. 1971 ildәn mexanika-riyaziyyat fakültәsindә prof.-konsultant olmuşdur. Riyazi ifadәlәrin Yaxın Şәrqdә yayılmış formaları әvәzinә latınca yazılışını ilk dәfә Ə. işlәtmişdir. “Riyazi analizә aid yoxlama tapşırıqları” (1939), “Аdi diferensial tәnliklәr” (1950) vә s. әsәrlәrin müәllifidir. Lenin ordeni vә 2 Qırmızı Əmәk Bayrağı ordeni ilә tәltif edilmişdir.