EKSTSEDENT – sığorta tәşkilatının sığortalanmış risklәrinin müәyyәn hissәsinin yenidәn sığortalanmaya verilmәsini nәzәrdә tutan tәkrar sığorta üsulu. Bir qayda olaraq, E.-in mәblәği onu ötürәn şirkәtin tutduğu mәblәğin bir neçә mislinә bәrabәr olur. Risklәrin tamamilә sığortalanması üçün E. kifayәt etmәdiyi halda, tәkrar sığortalanmalı risklәrin yenidәn sığortalanmasına qәdәr ötürәn şirkәtin tutduğu mәblәğdәn yuxarı olan növbәti (ikinci, üçüncü vә s.) E.-ә yol verilir. E.-in bir neçә növü mövcuddur: 1) risk E.-i – müәyyәn risk kateqoriyası üzrә ziyanın tәkrar sığortasını nәzәrdә tutan müqavilә şәrtidir; 2) mәblәğ E.-i – sığorta haqqının ancaq müәyyәn halda (mәblәğ tәyin edilmiş limiti üstәlәyirsә, bu zaman mәblәğ E.-i şәrtsiz franşizdәn fәrqli olaraq yalnız bu üstünlüyü göstәrir) ödәnildiyi tәkrar sığortanı nәzәrdә tutur; 3) zәrәrin E.-i bir risk kateqoriyası çәrçivәsindә tәyin edilmiş limit hәddini aşan sığorta mәblәğinin müәyyәn hissәsidir.