ƏFƏNDİYEV Vüsәt Əmir oğlu (d.2.7. 1953, Tovuz r-nunun indiki Sarıtala k.) – Azәrb. coğrafiyaçısı. Coğrafiya e.d. (2004), prof. (2008), Azәrb. Resp. әmәkdar elm xadimi (2009). 1977 ildә Moskva Dövlәt Un-tini bitirmişdir. Azәrb. SSR EA Coğrafiya İn-tunda baş laborant, kiçik elmi işçi (1977–78), SSRİ EA Coğrafiya İn-tunda tәdqiqatçı (1978–79), Azәrb. Dövlәt Untinin (indiki BDU) geologiya-coğrafiya fakültәsinin  SSRİ-nin  iqtisadi  coğrafiyası kafedrasında assistent, baş müәllim, dosent, fakültәnin dekan müavini, coğrafiya fakültәsinin dekanı (1979–99), BDU-nun qiyabi vә axşam tәhsili üzrә prorektoru (1999– 2004), tәdris işlәri üzrә prorektoru (2004–11) vәzifәlәrindә çalışmışdır. 2007 ildәn “Azәrbaycan coğrafiyası vә coğrafiyanın tәdrisi metodikası” kafedrasının müdiri, 2014 ildәn BDU-nun Əlavә Tәhsil Mәrkәzinin direktorudur. Tәdqiqatları iqtisadi vә sosial coğrafiyaya, әhali mәskunlaşması vә urbanizasiya problemlәrinә aiddir. 190-dan çox elmi әsәrin, o cümlәdәn bir neçә monoqrafiyanın, dәrslik vә dәrs vәsaitlәrinin, xәritәlәrin müәllifidir. Elmi kadrların hazırlanmasında xidmәti var.

Əsәrlәri: Urbanizasiya vә Azәrbaycanın şәhәr yaşayış mәskәnlәri. B., 2002; Azәrbaycanda qәsәbә (Firәngiz Qasımova ilә birlikdә). B., 2013.