ƏFƏNDİYEV Yalçın Heydәr oğlu (d. 24. 6.1937, Bakı) – Azәrb. kinorejissoru. Azәrb. Resp. xalq artisti (2007), әmәkdar incәsәnәt xadimi (1982). Azәrb. Dövlәt Un-tini (1960) vә Ümumittifaq Kinematoqrafiya İn-tunu (1967, L.Kuleşovun emalatxanası) bitirmişdir. C.Cabbarlı ad. “Azәrbaycanfilm” kinostudiyasında rej. (1966–92), “Sәnәdli vә elmi-kütlәvi filmlәr” birliyinin direktor әvәzi (1983–86), Azәrb. Dövlәt Radio vә Televiziya Şirkәtinin “Azәrbaycanfilm” studiyasında bәdii rәhbәr (1991–94) işlәmişdir; 1994 ildәn “Azәrbaycanfilm” kinostudiyasının rej.-udur.  Ə.  daha  çox  sәnәdli  filmlәr  rej.-u kimi tanınır: “Nә yaxşı ki, dünyada Sәmәd Vurğun var” (1976) filmi böyük uğur qazanmışdır. “Azәrbaycan. Azәrbaycan” (1970), “Naxışların yaddaşı” (1973), “İrsimizin sorağında” (1999), “Dönüş” (1999), “Mustafa Topçubaşov. Əsrin fonunda portret” (2012), “Bakı messası” (2014) vә s. sәnәdli filmlәrin, “Azәrbaycanfilm”dә çәkilmiş (“Xatirәlәr sahili”, 1973) bәdii vә (“Cırtdan”, 1969) cizgi filmlәrinin quruluşcu rej.-dur. Bәzi filmlәrin ssenari müәllifidir. 1995 ildәn Azәrb. Dövlәt Mәdәniyyәt vә İncәsәnәt Un-tindә pedaqoji fәaliyyәt göstәrir (2003 ildәn prof.).