ƏFƏNDİYEVA İmruz Mәmmәd Sadıx qızı (d.16.12.1935, Bakı) – Azәrb. musiqişünası, sәnәtşünaslıq doktoru (2006), prof. (2009), Azәrb. Resp. әmәkdar incәsәnәt xadimi (2008). Azәrb. Dövlәt Konservatoriyasını (indiki BMA) bitirmişdir (1960). Hәmin ildәn BMA-nın musiqi nәzәriyyәsi kafedrasında pedaqoji fәaliyyәt göstәrir. Azәrb. musiqisinin tarixi vә nәzәriyyәsinә (“Azәrbaycan sovet mahnısı”, 1981 vә s.), görkәmli müğәnni vә bәstәkarların hәyat vә yaradıcılığına aid әsәrlәrin (“Telman Hacıyev”, 1983; “Azәrbaycan xalqının fәxri”, 1996; “Vasif Adıgözәlov”, 1999; “Emin Sabitoğlu”, 2014; “Musiqi mәdәniyyәtimiz vә müasirlik”, 2016) müәllifidir.

Əsәri: Axtarış yollarının bәhrәsi. B., 2014.

Əd.: Musiqidә keçәn ömür. B., 2014.