ƏFƏNDİYEVA Türkan Əliәşrәf qızı (d.7. 3.1929, Bakı ş.) – Azәrb. dilçisi, filolоgiya e.d. (1973), prof. (1983). Azәrb. Dövlәt Un-tinin filologiya fakültәsini bitirmişdir (1951). 1956–62 illәrdә Azәrbş SSR Nizami ad. Ədәbiyyat vә Dilçilik İn-tunda kiçik elmi işçi, böyük elmi işçi olmuşdur. Ə. Azәrb. Dövlәt Un-tinin (indiki BDU) rus dili (1976–80), Azәrb. Dövlәt İncәsәnәt İn-tunun sәhnә danışığı vә nitq mәdәniyyәti (1981–87) kafedralarının müdiri, 1987–2004 illәrdә Azәrb. Dövlәt Pedaqoji Un-tinin, 1992–93 illәrdә Türkiyәnin Mәrmәrә Un-tinin prof-u vәzifәlәrindә çalışmışdır. Bir sıra beynәlxalq konfranslarda iştirak etmişdir. 4 monoqrafiyanın müәllifidir.

Əsәrlәri: Azәrbaycan dilinin bәdii ifadә vasitәlәri. B., 1973; Azәrbaycan dilinin qrammatikası (3 c.; hәmmüәllif). B., 1980; Azәrbaycan әdәbi dilinin üslubiyyat problemlәri. B., 2001; Feilin keçmiş zaman formaları. B., 2005.