ƏFQANISTAN ƏRƏBLƏRİ – Əfqanıstanın şm.-ş.-indә (Kunduz vә Meymәnә ş.- lәri arasında) mәskunlaşan, әzәli dillәrini itirmiş әrәblәr; kiçik qrupları Cәlalabad ş. yaxınlığında yaşayır. Sayları 9 min nәfәrdir (2000). Dәri vә özbәk dillәrindә, Cәlalabad Ə.ә. isә hәmçinin puştu dilindә danışırlar. Dindarları müsәlmandır.

Ə.ә. özlәrini әrәb istilaları dövründә (8 әsrdәn), digәr versiyaya görә isә Teymurun dövründә (14 әsrin sonu – 15 әsrin әvvәllәri) gәlmәlәrin nәsillәri hesab edirlәr.

1920-ci illәrdә Əfqanıstana Buxara xanlı- ğından Buxara әrәblәrinin bir qismi köçüb gәlmişdir. Əsas mәşğuliyyәtlәri köçәbә maldarlıq, şәhәrlәrdә ticarәt vә sәnәtkarlıqdır. Kal dolati, xajda devana, şal bofeo, kuta qara, au foruş, qureyşi, kata poi, turk, bonqseri, qurdon, tubatai, ali momati vә şәhri qәbilәlәrinә (tayfalara) bölünmә qalmaqdadır.