ÉLBLONQ (Elblag) – Polşanın şm.-ında, Varmin-Mazur voyevodalığında şәhәr. Әh. 127,9 min (2006). Elblonjka çayının Visla körfәzinә (Baltika dәnizi) töküldüyü yerdә dәniz portu. D.y. qovşağı. Ağır maşınqayırma z-du (turbin, gәmi avadanlığı, dәzgah istehsalı vә s.), ağac emalı, tikiş, yeyinti sәnayesi müәssisәlәri var.

  Елблонг шящяриндян эюрцнцш.

E.-un әsası 1237 ildә qoyulmuş, 1246 ildә şәhәr statusunu almışdır. Prussiyanın Pomeraniya vil.-nin mәrkәzi, 1446–1772 illәrdә Polşanın bir hissәsi idi. İkinci dünya müharibәsindәn sonra yenidәn Polşaya qaytarılmışdır.

Şәhәrdә 13–18 әsrlәrә aid kilsәlәrin, Yarmarka qapısı (1309–1430) adlanan şәhәr müdafiә tikilisinin qalıqları saxlanılmışdır. Şәhәr muzeyi, incәsәnәt vә iqtisadiyyat ali mәktәbi, texniki peşә tәhsili dövlәt kolleci fәaliyyәt göstәrir.