ƏHƏR – İranın Şәrqi Azәrbaycan ostanında şәhәr. Əhәr şәhristanının inz.m. Əh. 97 min (2006). Əhәr çayının (Qarasu çayının sol qolu; Araz hövzәsi) sahilindә, Tәbriz ş.-ndәn 95 km şm.-ş.-dә, dağ әtәyindәdir.

Ə. Azәrb.-ın qәdim şәhәrlәrindәndir. 7 әsrin ortalarında Ə.-i әrәblәr işğal etmişdi. Babәk hәrәkatı Ə.-in daxil olduğu Qaradağ mahalında baslamışdı. Xilafәt parçalandıqdan sonra Ə. müәyyәn dövrlәrdә Sacilәr, Salarilәr vә Rәvvadilәr dövlәtlәrinin tәrkibindә olmuşdur. Ə.-i 11 әsrin ortalarında Sәlcuqilәr işğal etdi. Ə. 12 әsrin ortalarında yaranmış Əhәr mәlikliyinin paytaxtı idi. 13 әsrin ortalarında monqolların işğalına mәruz qalan Ə. 14 әsrin ortalarında Teymurilәr tәrәfindәn zәbt olundu. 15 әsrdә Ə. әvvәlcә Qaraqoyunluların, sonralar isә Ağqoyunluların hakimiyyәtinә keçdi. Sәfәvi hökmdarı I Şah İsmayılın hakimiyyәti әlә almasında Ə. sufilәrinin dә xidmәti olmuşdur. 18 әsrin ortalarında Azәrb.-da yaranmış feodal dövlәtlәrindәn biri dә mәrkәzi Ə. olan Qaradağ xanlığı idi. Türkmәnçay müqavilәsinә (1828) әsasәn Ə. İranın tәrkibindә qaldı. Ə.-dә Şeyx Şәhabәddin türbә kompleksi Sәlcuqilәr dövründә tikilmiş, Sәfәvilәr dövründә tәmir edilmişdir. Ə. Azәrb. tarixçisi Əbu Bәkr әl-Qütbi Əhәrinin vәtәnidir. Qasım xan Əhәri vә Bәşir Amir tarixi evlәri, Şeyx Əbu İshaq (13–14 әsrlәr) vә Şeyx İmad (19 әsr) mәscidlәri vardır.

Ящяр шящяри.Шейх Шящабяд дин тцрбяси.