ƏHMƏD ABBAS, Xoca  Əhmәd A b b a s (7.6.1914, Panipat – 31.5.1987, Bombey, indiki Mumbai) – hind yazıçısı, rejissor vә ssenarist. “Sabah bizimdir” (1945),  “İnqilab” (1954), “Dörd ürәk, dörd yol” (1959) vә s. romanların, “Mәn ada deyilәm” (1976) avtobioqrafik kitabın, “Ananas vә atom bombası”  (1943), “Ölmәzlik” (1951) pyeslәrinin, “Avara” (1951), “Cәnab 420” (1955), “Bobbi” (V.P.Sathe ilә birgә, 1975) vә s. filmlәrin ssenari müәllifidir. “Torpağın övladları” (1946; öz ssenarisi әsasında), “Munna” (1954), “Üç dәniz arxasına sәyahәt” (1958, rus rej. V.M.Proninlә birgә; ssenari müәllifi, M.N.Smirnova ilә birgә), “Şәhәr vә arzu”, “11 min qız” (hәr ikisi 1963) vә s. filmlәrin   quruluşçu   rej.-u   olmuşdur. Ümumdünya  Sülh  Şurasının  üzvü  idi.  Azәrb.-da olmuşdur (1958). Azәrb.-a hәsr etdiyi şeir vә oçerklәri var.