ELEKTROAKUSTİKA (elektro…+ yun. akustikos – eşitmә) – tәtbiqi akustika bölmәsi; elektroakustik çeviricilәrin nәzәriyyәsini hesablanması metodlarını vә quraşdirilmasını öyrәnir. E.-ya aid edilәn cihazlar: ucadandanışan, telefon, mikrofon, sualtı sәs mәnbәlәri, müxtәlif ultrasәs mәnbәlәri vә qәbuledicilәri, sәsyazan cihazlar vә s. E. tәtbiqi akustikanın bir çox digәr bölmәlәri ilә sıx bağlıdır, çünki onun nәzәrdәn keçirdiyi elektroakustik çeviricilәr ya müxtәlif akustik aparatların tәrkibinә üzvi surәtdә daxil olur, ya da eksperimental tәdqiqatlarda geniş tәtbiq edilir. E.-nın әsas vәzifәsi çeviricinin giriş vә çıxışında siqnallar arasında әlaqәni qurmaq, siqnalların daha effektiv çevrilmәsi vә ya minimum tәhrif olunmasını tәmin etmәkdәn ibarәtdir.