ELEKTROFOTOQRÁFİYA – yarımkeçiricinin vә ya dielektrikin fotokeçirici tәbәqәsindә әmәlә gәlәn gizli elektrik tәsvirinin aşkarlanmasına (viziualizasiyasına) әsaslanan fotoqrafik tәsvirin alınması üsulu; işıq şüalarının tәsiri altında tәbәqәnin elektrik keçiriciliyi – fotokeçiricilik yüksәlir. Әn geniş istifadә olunan (әsasәn sәnәdlәrin surәtinin operativ çıxarılması vә çoxaldılması üçün) E. növü yarımkeçirici tәbәqәnin üzәrindә alınan k s e r o q r a f i y a üsuludur. Kseroqrafik tәbәqә elektriklәşdirildikdәn sonra onda işığahәssaslıq yaranır. Elektriklәşdirmә prosesindә tәbәqә sәthinә müsbәt vә mәnfi ionlar çökür vә tәbәqә sanki lövhәlәrinin arasında yüksәk müqavimәtli yarımkeçirici yerlәşdirilәn yastı kondensator şәklini alır. Ekspozisiya vermә müddәtindә yarımkeçiricinin fotokeçiriciliyi nәticәsindә işıqlanmış yerlәrdә tәbәqәnin müqavimәti azalır, bu isә tәbәqәnin sәthinә çökdürülmüş yüklәrin işıq- lanmaya mütәnasib azalmasına (yoxa çıxmasına) sәbәb olur. Ekspozisiyavermә müddәtindәn sonra qalan elektrik yüklәri gizli elektrik tәsvirini әmәlә gәtirir. Bu tәsvir elektrik yüklü xüsusi tozla (quru, yaxud suspenziya halında) aşkarlama yolu ilә vә bilavasitә tәbәqә üzәrinә, yaxud kağıza, plyonkaya köçürülәrәk sabitlәşdirilir vә görünәn tәsvirә çevrilir (viziuallaşır). E.-dan elm vә texnikanın bir sıra sahәlәrindә (mәs., rentgenoqrafiya, holoqrafiya, spektroskopiya, yarımkeçiricilәr fizikasında) tәdqiqat vә qeydәalma vasitәsi kimi dә istifadә olunur.

 Elektrofoto qrafik tәsvirin alınması sxemi 1, 2 – elektriklәşdirmә; 3 – ekspzisiyavermә;
4 – quru halda aşkarlama; 5 – tәsvirin kağıza köçürülmәsi.