ELEKTROKİNETİK HADİSӘLӘR–dispers sistemlәrdә xarici elektrik sahәsinin tәsiri ilә fazalardan birinin digәrinә nisbәtәn hәrәkәti vә ya mexaniki qüvvәlәrin tәsiri ilә fazaların nisbi hәrәkәti istiqamәtindә potensiallar fәrqinin yaranması. E l e k t r o f o r e z (xarici elektrik sahәsinin tәsiri ilә mayedәn asılı hissәciklәrin, qaz qabarcıqlarının vә s. hәrәkәti), e l e k t r o o s m o s  (xarici elektrik sahәsinin tәsiri ilә mayenin kapilyarda hәrәkәti), D o r n   e f f e k t i  (mayedәki asılı bәrk hissәciklәrin çökmәsi istiqamәtindә potensiallar fәrqinin yaranması) vә s. E.h.-ә aiddir. 

E.h. fazaların sәrhәdindә iki әks-yüklü tәbәqә (ikiqat elektrik tәbәqәsi) şәklindә olan sәrbәst elektrik yüklәrinin (çox vaxt ionların) mövcudluğu ilә bağlıdır.

E.h.-in kәmiyyәtcә xarakteristikası üçün qiymәti ayrıcın sәrhәdindәki yüklәrin sayından vә onların ikiqat elektrik tәbәqәsindә paylanmasıdan asılı olan elektrokinetik potensial anlayışından istifadә edilir. E.h.-in tәxmini kәmiyyәt nәzәriyyәsi polyak fiziki M. Smoluxovski tәrәfindәn işlәnib hazılanmışdır (1903).