ƏHMƏD RASİM (1865, İstanbul – 21.9.1932, orada) – türk yazıçısı, tәnqidçi, tarixçi, publisist, bәstәkar. İlk tәhsilini mәhәllә, Dәzgahçılar, Çuxurçeşmә, Hafiz paşa mәktәblәrindә almış, 1876–83 illәrdә “Daruş şәfәqә”dә oxumuşdur. 1885–1908 illәr arasında “Şәfәq”, “Gülşәn”, “Hamiyyәt”, “Sәbat”, “Ənvarı-zә ka”, “Maarif”, “Rәsmli qәzet”, “Xәzi nәyi-fünun”, “Mәktәb”, “Müsәvvәr fәn vә әdәb”, “İrtika”, “Sәrvәti-fünun” jurnallarında, “Tәrcü manihәqiqәt”, “Sabah”, “Bәsirәt”, “Sәadәt” qәzetlәrindә mәqalәlәr, tәrcümәlәr vә şeirlәr çap etdirmişdir. Yazıları ilә türk dilinin vә publisistikasının zәnginlәşmәsinә xidmәt gös- tәrmişdir. Əsasәn, nasir kimi tanınan Ə.R. divan vә fransız poeziyası tәrzindә şeirlәr yazmışdır. 1908 ildә Hüseyn Rәhmi ilә birlikdә “Boşboğaz ilә Güllabi” adlı satirik qәzet dәrc etdirmişdir. “Mәnakibiislam” adlı kitabına görә “Mәcidi” nişanı almışdır. Üçüncü vә dördüncü dönәm Türkiyә Böyük Millәt Mәclisinә seçilmişdir (1927). Tarix, coğrafiya vә qrammatikaya dair müxtәlif mövzularda әsәrlәr yazmışdır. İnsanların vәrdişlәri, geyimlәri vә hәyat tәrzindәn geniş şәkildә bәhs edәn belә әsәrlәri (“Mәqalәt vә müsahabat”, “Şәhәr mәktubları”, “Tarix vә mühәrrir”, “Eşkali-zaman”, “Ciddü-mizah”, “Gülüb ağladıqlarım”) Türkiyәnin 1890 ildәn sonrakı sosial hәyatı haqqında qiymәtli mәnbәdir. “Gecәlәrim”, “Falaka”, “Rәsmli vә xәritәli Osmanlı tarixi”, “İki xatirәt, üç şәxsiyyәt”, “İstibdaddan haki miyyәti-milliyyәyә”, “Tarixi-müxtәsәri-bәşәr”, “Tәrәq qiyyati-elmiyyә vә mәdәniyyә”, “Rumıniya mәktubları”, “İlk böyük mühәrrirlәrdәn Şinasi” әsәrlәrinin müәllifidir. Ə. hәm dә bәstәkar kimi tanınmış, öz şeirlәrinә 65-ә qәdәr musiqi әsәri bәstәlәmişdir.