ƏHMƏDNAHAR – Hindistanda 1490–1636 illәrdә mövcud olmuş eyniadlı şәhәr vә sultanlıq. Bәhmәni sultanlığının parçalanması nәticәsindә indiki Maharaştra әrazisindә meydana gәlmişdir. Əsasını 1490 ildә Nizamşah titulu ilә özünü müstәqil hakim elan etmiş Bәhmәni sultanlığının Cünnardakı canişini Malik Əhmәd qoymuşdur. Sultanlığın adı paytaxtı Əhmәdnahar ş.-nin (әsası 1494 ildә qoyulmuşdur) adından götürülmüşdür. Nizamşahlar sülalәsi tәrәfindәn idarә olunurdu. Ə. mәlikәsi Çand Bibi 1596–1600 illәrdә Böyük Moğolların hücumuna qarşı inadlı müdafiә tәşkil etmәklә şöhrәt qazanmışdı. Lakin o, xәyanәtdә ittiham olunmuş, kütlә tәrәfindәn qәtlә yetirilmişdir. 1601–26 illәrdә dövlәti faktiki olaraq idarә edәn Malik Ənbәr bir sıra islahat, o cümlәdәn ona müqavimәti davam etdirmәyә imkan yaradan vergi islahatı keçirmişdir. 1626 ildә Malik Ənbәrin oğlu Fәth xan moğollara mәğlub olmuş vә 1631 ildә onların xidmәtinә keçmişdi. 1636 ildә Şah Cahan Ə.-ı Böyük Moğollar imperiyasının tәrkibinә qatmışdır.

Ящмяднащар. ЫЫ Сялабят ханын тцрбяси.