ƏHMƏDOV Bәdirxan Balaca oğlu (d.20. 4.1955, Gürc. SSR, Dmanisi r-nu) – Azәrb. әdәbiyyatşünası, publisist, tәnqidçi. Filologiya  e.d.  (2006),  prof.  (2011).  Azәrb. Dövlәt  Pedaqoji  İn-tunu (indiki ADPU) bitirmişdir (1977). Nazirlәr Kabineti yanında  Baş  Arxiv  İdarәsinin Azәrbaycan әdәbiyyatı vә incәsәnәti arxivindә (1983– 90), “Vәtәn sәsi” (1990–92) vә “Azәrbaycan ordusu” (1992–99) qәzetlәrindә  işlәmişdir. 1999 ildәn   AMEA Nizami ad. Ədәbiyyat İn-tunda (2011–12 illәrdә Qars Qafqaz  Un-tindә) çalışır. 2013–16 illәrdә in-tun elmi katibi olmuş, hazırda Asiya xalqları әdәbiyyatı şöbәsinin  müdiridir.

Tәdqiqatları, әsasәn, Azәrb. satirasının inkişaf problemlәrinә hәsr olunmuşdur. Bir sıra beynәlxalq elmi konfrans vә simpoziumlarda (Türkiyә, Almaniya, Polşa, Rusiya vә s.) iştirak etmişdir. 300-dәn çox elmi әsәrin, o cümlәdәn 5 monoqrafiyanın, dәrslik vә proqramların müәllifidir.

Əsәrlәri: Azәrbaycan satirasının inkişaf problemlәri. B., 2000; Bir istiqlal yolçusu. B., 2003; Sabit Rәhman; hәyatı, mühiti, yaradıcılığı. B., 2010.