ELEKTROMӘNFİLİK– atomların kovalent rabitәlәrinin polyarlaşma qabiliyyәtini sәciyyәlәndirәn kәmiyyәt. İkiatomlu A–B molekulunda rabitә yaradan elektronları B atomu A atomuna nisbәtәn daha güclü cәzb etdiyi halda da B atomu A atomuna nәzәrәn daha elektromәnfi hesab edilir. L. Polinq E.-yin miqdari xarakterizәsi üçün A–A, B–B, A–B molekullarındakı rabitәlәrin müvafiq E_AA, E_BB, E_AB enerjilәri haqqında termokimyәvi mәlumatlardan istifadәni tәklif etmişdir (1932). Hipotetik tәmiz kovalent A–B (E_kov) rabitәsinin enerjisi E_AA, E_BB kәmiyyәtlәrinin orta әdәdi vә ya hәndәsi qiymәtlәrinә bәrabәr götürülür. A vә B atom- larının E.-yi müxtәlif olduğu halda A–B rabitәsi tәmiz kovalent rabitә olmayacaq vә E_AB E_kov-dәn D_AB = E_AB – E_kov qәdәr böyük olacaq. A vә B atomlarının E.-lә- ri (c) arasında fәrq çox olduqca D_AB kәmiyyәti dә böyük olur. Polinq 0,208  D_AB= |c_A–c_B| formulundan istifadә edәrәk hidrogen atomu üçün E.-yin ixtiyari qiymәtini c = 2,1 götürәrәk E.-yin nisbi әdәdi qiymәtlәrinin әlverişli şkalasını tәrtib etmişdir. E.-yin miqdari tәsviri üçün termokimyәvi mәlumatlarla yanaşı, molekulun hәndәsәsi haqqında verilәnlәr (mәs., Sanderson üsulu), spektral xarakteristikalar (mәs., Qordi üsulu) istifadә edilir. Hәmçinin Ollred vә Rokou şkalası tәtbiq olunur. Malligen üsulu daha aydın fiziki mәnaya malikdir; atomun Malligen üsulu ilә tәyin olunan E.-yi onun ionlaşma enerjisi ilә elektrona hәrisliyinin cәminin yarısına bәrabәrdir. Atomların müxtәlif valent halları, ion, molekul vә atomlar qrupu üçün E. şkalası tәrtib olunmuşdur. Malligen üsuluna әsaslanan vә müxtәlif obyektlәrin geniş dairәsini әhatә edәn E. mütlәq E. adlanır.

E. ilә kimyәvi rabitәlәrin uz., rәqs tezliyi, polyarlığı vә s. xarakteristikaları arasındakı asılılıq sadә empirik formullarla ifadә olunduğuna görә E. kәmiyyәtlәri fiziki-kimyәvi tәdqiqatlarda geniş istifadә olunur.

Әd.: Б а ц а н о в С.С. Электроотрицательность элементов и химическая связь. Новосиб., 1962; Х ь ю и Дж. Неорганическая химия. пер. с англ.
М., 1987.