ELEKTROMOBİL (elektro… + lat. mobilis – hәrәkәt edәn) – bir, yaxud bir neçә elektrik mühәrriki vasitәsilә hәrәkәtә gәtirilәn avtomobil; elektrik mühәrriki elektrik enerjisini avtomobildә quraşdırılan cәrәyan mәnbәlәrindәn alır. E. 1880 ildәn işlәdilir. 20 әsrin әvvәllәrindә Qәrbi Avropa vә Amerikada E.-dәn taksi, poçt fur- qonu, kommunal maşınlar, hәmçinin minik avtomobillәri kimi istifadә olunurdu. E.-dә hәm akkumulyator batareyası vә super-kondensator (batareyadan fәrqli olaraq yüklәnmә çox vaxt aparmır), hәm dә elektrik mühәrrikini hәrәkәtә gәtirәn benzin, yaxud dizel mühәrriki enerji mәnbәyidir (bu, hibrid sxemdir). E.-dә mexanotrop qovşaqlar daha perspektivlidir. Mexanotrop qovşağın tәrkibinә elektron cihazlarla idarә olunan tәkәrlәrә quraşdırılmış elektrik mühәrrikini qidalandırmaq üçün elektrik enerjisi hasil edәn yanacaq elementlәri daxildir. Sәssiz işlәmәsi, havaya işlәnmiş zәhәrli qazlar buraxmaması, yüksәk dinamik xassәlәri, idarәetmәnin sadәliyi E.-in әsas üstünlüklәridir; çatışmazlıqları – bir dәfәyә qәt edilәn mәsafәnin qısa olması (akkumulyator batareyalarını tez-tez doldurmaq lazım gәldiyi üçün), akkumulyatorun kütlәsinin iriliyi, hәrәkәt sürәtinin mәhdudluğudur (90 km/saat-a qәdәr). ABŞ, Böyük Britaniya, Rusiya vә bir çox ölkәlәrdә istehsal olunur. Şәhәr nәql.-ı üçün perspektivlidir. E.-in eksperiment modellәri enerjini günәş batareyalarından alır.

 SIG motors (Ukrayna) şirkәtinin