ELEKTRÓN MİKROSKOP – obyektlәrin elektron dәstәsi vasitәsilә alınan, dәfәlәrlә (106 dәfәyәdәk) böyüdülәn tәsvirini müşahidә edәn vә fotoşәklini çәkәn elektrovakuum cihaz. İş prinsipi elektronların sәpәlәnmәsi, maddә tәrәfindәn әksetdirilmәsi vә udulmasına әsaslanır. Elektron dәstәsini fokuslamaq üçün E.m.-da elektromaqnit vә elektrostatik linzalardan istifadә edilir. Müxtәlif obyektlәri tәdqiq etmәk üçün şüakeçәn, emissiyalı, rastrlı, әksetdirici, güzgülü, kölgәli tipli E.m. vardır. E.m.-un ayırdetmә qabiliyyәti optik mikroskopdakından 102–103 dәfә yüksәkdir. E.m. vasitәsilә metal vә әrintilәrin ayrı-ayrı atom müstәvilәrinin tәsvirini, dislokasiya şәkillәrini almaq, kristal quruluşlarını öyrәnmәk, elәcә dә mikroorqanizmlәrin quruluşu haqqında tәsәvvürlәri geniçlәndirmәk mümkündür.
“Zeiss Libra 120” şüakeçәn tipli elektron mikroskop
