ELEKTRÓN PROJÉKTOR,a v t o  e l e k t r o  n   m i k r o s k o p  – qeyri-intensiv elektron dәstәsi yaradan vә onu cәrәyanla idarә edәn elektron-optik qurğu. Dibi (ekranı) lüminofor tәbәqәsi ilә örtülmüş sferik vә ya konusşәkilli şüşә kolbadır. Kolbanın mәrkәzindә tiyә şәkilli katod (tәdqiq olunan obyekt) yerlәşir, kolbanın daxili divarlarındakı keçirici tәbәqә vә ya katodun әtrafındakı naqil halqa anod rolunu oynayır. Anodla katod arasında bir neçә kV potensiallar fәrqi yaradıldıqda tiyәnin ucunda intensiv avtoelektron emissiya әmәlә gәlir. Elektronların sürәtlәnmәsi vә ekranı bombardman etmәsindәn lüminofor işıqlanır; nәticәdә ekranda tәdqiq olunan obyektin sәthindәki kristallik strukturu böyüdülmüş miqyasda әks etdirәn elektron cәrәyanının sıxlığının paylanması canlanır. Elektron mikroskopun vә elektron-şüa cihazının әsas elementlәrindәn biridir.

 Kineskopun elektron projektorunun sxemi: 1 – katod; 2 – modulyator; 3 – sürәtlәndirici anod;
4 – fokuslayıcı anod; 5 – yüksәkvoltlu anod; 6 – ekran; 7 – elektron dәstәsi