ELEKTRÓN RӘNGAYIRAN – poliqrafiyada rәngli orijinaldan çoxrәngli çap prosesindә istifadә edilәn korrektә edilmiş neqativlәr (diapozitivlәr) almaq üçün elektron optik-mexaniki avtomatlaşdırılmış qurğu. E.r.-ın işi r ә n g a y ı r m a y a, yәni orijinalın optik tәsvirinin sәtir-sәtir açılmasına, orijinaldan әks olunmuş şüaların 3 müstәvidә RGB (additiv rәng modeli –qırmızı, yaşıl, göy), 4 müstәvidә CMYK (rәnglәrin tәrtibinin subtraktiv sxemi – mavi, tünd qırmızı, sarı, qara), vә ya daha çox müstәvidә yerlәşdirmәsinә vә onların elektrik siqnallarına çevrilmәsinә әsaslanır. Hәr bir müstәvidәn fotoyığı avtomatının kömәyilә elektrik siqnalları avtomatik korrektә olunur vә işıq şüalarına çevrilir; şüalar rәnglәrә ayrılmış tәsviri fotoplyonkaya köçürür (qeyd edir). Ondan da öz növbәsindә müxtәlif rәnglәr üçün fotoprosesin kömәyilә çap formaları hazırlanır. Müasir poliqrafiyada rәngayırma rәngli tәsvirlәrin bir neçә rәnglә çapa hazırlanması prosesidir. Verilmiş texnologiya rәnglәrin subtraktiv sintezi prinsipini istifadә edir. İşığı әks etdirәn vә ya keçirәn materiala (mәs., kağız, yaxud şәffaf plyonka) rәngli boya tәbәqәlәri çәkilir. Adәtәn, rәngayırma mәtbәәlәrdә optik süzgәclәr vә rastrlar sisteminin kömәyilә hәyata keçirilirdi. Hazırda tәsvirlәrin çapaqәdәrki hazırlığı üçün rastrlama prosesi vә rәngayırma avtomatlaşdırılmış vә proqramla icra olunur (o cümlәdәn Adove Photoshop qrafik redaktoru vasitәsilә). Rәqәmli fotoqrafiya vә rәqәmli kinomato- qrafiyada rәngayırma Bayer süzgәclәrinin vasitәsilә işığahәssas matrislәrdә vә Faveon X3 çoxtәbәqәli matrislәrdә müxtәlif spektral hәssaslınqlı 3 tәbәqәnin kömәyilә yerinә yetirilir. Rәngayırma rәngin additiv sintezindә tәtbiq olunan әsas rәnglәr üzәrindә aparılır. Poliqrafiyada istifadә olunan rәnglәrin alınmasının subtrakt üsulu üçün rәqәmi tәsvirlәrin kompüterlә emalı aparılır. E.r. fotoformanın hazırlanma prosesini avtomatlaşdırır vә çap mәhsulunun keyfiyyәtini yaxşılaşdırır.
Rәnglәrin tәrtibinin subtraktiv sxemi (CMYK): 1 – tam rәngli orijinal, 2–5 – mavi, tünd qırmızı, sarı vә qara tәrkib rәnglәri
