ELEKTRONA HӘRİSLİK, m o l e k u l , a t o m vә i o n u n) – müvafiq mәnfi iondan elektronu sonsuzluğa qәdәr uzaqlaşdırmaq üçün lazım olan minimal enerji (A). X hissәciyi üçün E. h. aşağıdakı proseslә ifadә edilir:
X– → X + e (1)
E. h. mәnfi ionun X– ionlaşma enerjisinә (birinci ionlaşma potensialına U1) bәrabәrdir. İonlaşma potensialı ilә analoji olaraq birinci vә ikinci E.h., hәmçinin çoxatomlu hissәciyin vertikal vә adiabatik E.h.-i fәrqlәndirilir (ionlaşma potensialına oxşar). Termodinamiki baxımdan E.h. (1) reaksiyanın mütlәq sıfır temp-da standart entalpiyasıdır 
, burada (NА -Avoqadro sabiti). Hazırda mәnfi ionların alınması vә tәdqiqindә tarazlı üsullardan istifadә edilmәsi dövri sistemin әksәr elementlәri, elәcә dә yüzlәrlә üzvi vә qeyri-üzvi molekullar üçün birinci E.h.-lәrin tәyin edilmәsinә imkan vermişdir. Fotoelektron spektroskopiya (dәqiqlik +0,01 eV-dur) vә ion-molekulyar reaksiyaların tarazlıqlarının kütlә-spektrometrik tәdqiqi E.h.-in tәyini üçün әn perspektivli üsullardır. E.h.-in kvant-mexaniki hesablamaları ionlaşma potensiallarına oxşardır.
Halogen atomları әn yüksәk E.h.-ә malikdir. Bir sıra elementlәr üçün E.h. sıfra yaxın vә ya ondan kiçikdir; bu, verilmiş elementin stabil mәnfi ionu mövcud olmadığını göstәrir. Bir qayda olaraq mo- lekulların E.h.-lәri 0-dan 4 eV-a qәdәr olur. Keçid metalların heksa-, penta- vә tetra-flüorid molekullarının E.h.-lәrinin qiymәtlәri çox yüksәkdir. E.h. hissәciyin oksidlәşdirici qabiliyyәtini müәyyәn edir. E.h.-yi yüksәk olan molekullar güclü oksidlәşdiricilәrdir. Nәcib qazların kimyәvi birlәşmәlәri onların kömәyi ilә alınmışdır.
