ELEKTROSİNTEZ, e l e k t r o k i m y ә v i s i n t e z – kimyәvi birlәşmәlәrin elektroliz prosesi ilә alınma üsulu. Anod kimi adәtәn, Pb(IV), Ni, Mn(IV) vә digәr metalların oksidlәri, nәcib me tal lar (Pt, Ir, Ru), qrafit vә onun modifikasiyası (piroqrafit), katod kimi isә çox vaxt Pb, Hg, Cu, Zn, Ni, Fe vә ya başqa metallar istifadә olunur. İlkin maddә polyar hәlledicidә (su, kiçikmolekullu alifatik spirtlәr, asetonitril, DMFA, diok san) hәll edilir. İlkin maddә molekulları mәhlulda ionlara dissosiasiya edirsә, elәcә dә ilkin maddә polyar funksional qruplu üzvi birlәşmәdirsә, E. proseslәri daha sәmәrәli olur.

İlkin maddә elektrolit olmadıqda sistemә elektrokeçiricilik xassәsi verәn, lakin elektrod prosesindә iştirak etmәyәn maddә (fon elektrolit) әlavә etmәk lazımdır. İlkin maddә istifadә olunan polyar hәlledicidә (mәs., suda) hәll olmursa, sistemә su da hәllolan vә ilkin maddәni hәlledәn hәlledici әlavә edilir. Bu üsul çox vaxt üzvi bir lәşmә lә rin E.-i zamanı tәtbiq edilir.
Sәnayedә elektrooksidlәşmә әsasında qeyri-üzvi oksidlәşdiricilәr (hipoxloritlәr, xloratlar, perxloratlar, HClO₄, H₂S₂O₈, KMnO₄) alınır. Üzvi birlәşmәlәrin alınmasın da elektro oksidlәşmәdәn, hәm dә elektroreduksiyadan istifadә olunur. Mәs., anodda sebasin turşusu, qurğuşunun tetraalkil törәmәlәri, flüor-üzvi birlәşmәlәr; katodda adipodinitril alınır. Üzvü birlәşmәlәrin E.-i sulu mәhlullarda, üzvi hәlledicilәrdә (kiçikmolekullu spirtlәr, DMFA vә s.), su vә üzvi hәlledicilәr qarışığında hәyata keçirilir. Bәzi üzvi birlәşmәlәr elektrod üzәrindә deyil, katalizator daşıyıcıların (mediatorların) – polivalent metalların duzları, oksigen saxlayan anionların iştirakı ilә mәhlulun hәcmindә alınır.
Әd.: Т о м и л о в А.Р., С м и р н о в В.А, К а г а н Е.Ш. Глентрохимические синтезы органических препаратов. Ростов-на-Дону, 1981; Е к и м е н к о Л.М., С е р и ш е в Г.А. Глентрохимический синтез неорганических соединений. M., 1984.