ELİ DE BOMÓN (Élie de Beaumont), Jan Batist Arman Lui L e o n s ( 25.9.1798, Kalvados dep-ti, Kanon – 21.9.1874, orada) – fransız geoloqu. Paris EA üzvü (1875), Peterburq EA әcnәbi m. üzvü (1857). 1819 ildә Paris Politexnik Mәktәbini, sonra Paris Dağ-mәdәn Mәktәbini bitirmişdir; 1827 ildәn hәmin mәktәbin prof.-u., 1853 ildәn Paris EA-nın elmi katibi olmuşdur. B.Britaniya, Fransa vә İtaliyada geol. tәdqiqatlar aparmışdır. 1841 ildә P. Düfrenua ilә birlikdә Fransanın geol. xәritәsini nәşr etmişdir. 1829 ildә kontraksiya fәrziyyәsini irәli sürmüş vә 1852 ildә bu fәrziyyәni inkişaf etdirmişdir. Qırışıqlıq yaşının tәyinindә stratiqrafik fasilәlәrә vә bucaq uyğunsuzluğuna әsaslanan metodikanı işlәmişdir. J. Küvyenin fәlakәtlәr nәzәriyyәsinin tәrәfdarı olmuş, hәr bir stratiqrafik fasilәni bir “çevriliş” olaraq izah etmәklә Yer kürәsi tarixindә 32 fәlakәtin baş verdiyini hesablamışdır. Filizәmәlәgәlmә proseslәrindә maqmadan ayrılan uçucu komponentlәrin roluna mühüm әhәmiyyәt vermiş, әsasi vә turş süxurlara dair anlayış irәli sürmüşdür; kimyәvi elementlәrin Yer qabığında, meteorit vә orqanizmlәrdә yayılmasını öyrәnmişdir.