ELİAN Klavdi (Claudis Aelianus; tәqr.170, Preneste – tәqr. 230, Roma) – yunan dilindә yazmış Roma yazıçısı, sofist. Sadә kompozisiyanın, janr vә mövzu müxtәlifliyinin sәciyyәvi olduğu üslub yaratmışdır. “Heyvanların tәbiәti haqqında”, “Müxtәlif әhvalatlar” adlı kompilyativ topluların müәllifi olmuşdur. Hәr iki topluda insanın gündәlik hәyatı әks etdirilir, tarixi vә mәzәli әhvalatlar әxlaqi-didaktik planda verilir. “Heyvanların tәbiәti haqqında” әsәrindә qәdim Azәrb.-nın Kaspiana vil.-ndә çoxlu öküz sürüsü vә at ilxısının olması, kaspilәrin dәvәlәrlә Midiyanın paytaxtı Ekbatana qurudulmuş vә duzlanmış balıq aparmaları, balıq içalatından yapışqan hazırlamaları, hәmçinin kahinlәrin, varlıların vә adlı-sanlı adamların dәvә yunundan toxunmuş paltar geyinmәlәri vә s. haqqında mәlumat vermişdir. Fәlsәfi traktatlarından bәzi hissәlәr, elәcә dә ona aid edilәn “Kәndlilәrin mәktubları” bukolik toplusu qalmışdır.