ƏHMƏDOV Tofiq Qәzәnfәr oğlu (8.11. 1923, Bakı – 23.3.1981, Bakı) – Azәrb. musiqiçisi, klarnet-saksofon ifaçısı, dirijor. Azәrb. SSR xalq artisti (1977). E. Roznerin rәhbәrlik etdiyi estrada ork.nin konsertmeysteri (1955–57, Moskva), özünün yaratdığı “Biz Bakıdanıq” estrada ansamblının bәdii rәhbәri vә dirijoru (1957– 61), Azәrb. Radio  vә  Televiziyası Estrada Orkestrinin bәdii rәhbәri vә baş dirijoru (1961–81) olmuşdur. Ə. bir sıra estrada mahnısının, instrumental әsәrlәrin müәllifi kimi dә tanınmışdır. 1968 ildә Sofiyada (Bolqarıstan) keçirilәn beynәlxalq estrada musiqisi müsabiqәsinin laureatı adına vә qızıl medala layiq görülmüşdür. Rәhbәrlik etdiyi ork.-lә bir çox xarici ölkәdә çıxış etmişdir. Azәrb. Televiziya vә Radiosu Estrada-Simfonik Orkestri T.Əhmәdovun adını daşıyır (1981 ildәn).