ƏKBƏR BEHKƏLAM (d.1944, Tәbriz, İran) – Azәrb. rәssamı, boyakar vә qrafik. Tәbriz İncәsәnәt Mәktәbindә (1961–64) vә İstanbul Gözәl Sәnәtlәr Akademiyasında (1967–72) tәhsil almışdır. 1972–74 illәrdә Frankfurt, Roma vә Parisdә sәnәt tәcrübәsi keçmişdir.  1974–76 illәrdә Tәbrizdә vә Tehranda pedaqoji fәaliyyәt göstәrmiş, şah rejiminin tәqiblәrinә görә xaricә mühacirәt etmişdir. 1976 ildәn Almaniyada (keçmiş Qәrbi Berlindә) yaşayır vә orada görkәmli rәssamlardan biri sayılır.

Ə.B.-ın yaradıcılığının әsas istiqamәti azadlıq  uğrunda  mübarizә  mövzusudur.

Rәssamın azadlıq arzuları onun “Persepolis” silsilәsindә obrazlı şәkildә bәdii hәllini tapmışdır. Reallıqla fantaziyanın vәhdәtindәn yaranmış “Mәhkumların yuxusu” (1977) vә “Əllәr” (1979) tabloları kompozisiya orijinallığı ilә sәciyyәvidir. İctimaisiyasi hadisәlәri әks etdirәn әsәrlәrindә (“İnqilabi başlanğıc”, 1981; “Berlin-81”, 1981) dinamika üstünlük tәşkil edir. Tәbriz, Tehran, İstanbul, Vyana vә Qәrbi Berlindә fәrdi sәrgilәri olmuşdur. 1989 ildә Bakıda açılmış “Əzizim Vәtәn yaxşı” sәrgisindә Ə.B.-ın әsәrlәri dә nümayiş etdirilmişdir. Rәsmlәri Avropanın bir çox muzeyindә, hәmçinin Azәrb. Milli İncәsәnәt Muzeyindә, Azәrb. Rәssamlar İttifaqında, elәcә dә şәxsi kolleksiyalarda saxlanılır.

Əd.: Akbar Behkalam. Volker Martin. Berlin, 1984; Akbar Behkalam. Auflaqe. Berlin, 1987.

 Якбяр Бещкялам. “Ялляр”. 1979.