ƏKBƏR KAZIM MUĞAN (әsl adı Əkbәr Cәlil oğlu Kazımbәyo v) (avqust, 1890, indiki Nax. MR, Şәrur r-nunun Cәlilkәnd k. – 9.11.1979, İstanbul) – Azәrb. rәssamı vә maarifçisi. 1906 ildә İrәvan gimnaziyasını bitirmiş, 1908 ildә Kiyev untinin hüquq fakültәsinә daxil olmuş, 1910– 11 illәrdә tәhsilini Moskva un-tindә davam etdirmişdir. 1911–15 illәrdә Moskva Boyakarlıq, Heykәltәraşlıq vә Memarlıq Mәktәbindә oxumuşdur. 1916 ildә Türkiyәnin Ərdahan ş.-nә getmiş, uzun müddәt maarif sahәsindә fәaliyyәt göstәrmişdir. 1966 ildә İstanbula köçmüş vә hәyatının sonuna qәdәr orada yaşamışdır.

Ə.K.M. müxtәlif janrlarda 100-ә yaxın rәsm әsәri yaratmışdır. 1986 ildә ölümündәn sonra İstanbuldakı Pamukbankın qalereyasında açılmış yaradıcılıq sәrgisindә nümayiş etdirilәn süjetli kompozisiyalarında (“Bayrama hazırlıq”, 1950; “Kәnd motivi”, 1963) xalq hәyatı vә mәişәti real cizgilәrlә, portretlәrindә (“Mәcnun”, 1954; “Nәsimi”, 1961; “Avtoportret”, 1961) obrazların mәnәvi alәmi әlvan boyalarla әks olunmuşdur. Əsәrlәri şәxsi kolleksiyalarda vә Azәrb. Milli İncәsәnәt Muzeyindә saxlanılır.