ƏKBƏROV Rövşәn Telman oğlu (d.4.6. 1965, Bakı) – Azәrb.-ın Milli Qәhrәmanı (5.10.1994), gen.-leytenant (2002). 1982 ildә C.Naxçıvanski ad. Hәrbi mәktәbi bitirdikdәn   sonra Kiyev Ali Ümumqoşun Komandirlәri Mәktәbinә daxil olmuşdur. 1986 ildә tәyinatla Zaqafqaziya hәrbi dairәsi komandanlığının sәrәncamına göndәrilmiş, 1989 ildә bölük komandiri tәyin edilmişdir. 1993–95 illәrdә Qarabağ uğrunda döyüşlәrdә, 1995 ilin mart hadisәlәri zamanı silahlı dәstәnin zәrәrsizlәşdirilmәsindә fәallıq göstәrmişdir. 2011 ildәn korpus komandiridir. İki dәfә “Azәrbaycan Bayrağı” (1993; 1995), 3-cü dәrәcәli “Vәtәnә xidmәtә görә” (2011) ordenlәrinә layiq görülmüşdür.