EMİN PAŞA (әsl adı vә soyadı Eduard Şnitser) [28.3.1840, Prussiya (indiki Polşa), Oppeln k. – 23.10.1892, Kanem (indiki Çad)] – alman sәyyahı, Osmanlı dövlәt xadimi. Yәhudi ailәsindә doğulmuşdur. Breslau vә Ber lin dә tibb üzrә tәhsil almışdır. 1864 ildә Osmanlı imperiyasının tәrkibindә olan Albaniyada baş vermiş vәba epidemiyası ilә әlaqәdar buraya gәlmiş, xәstәliyә qarşı mübarizәdә şücaәt göstәrdiyinә görә minbaşı tәyin olunmuşdur. Osmanlı imperiyasında xidmәt etdiyi illәrdә (1865–74) islamı qәbul etmiş, Mәhәmmәd әl-Emin adını götürmüşdür. 1876–78 illәrdә Sudandakı Ekvatorial әyalәtinin idarәsindә mәmur olmuşdur. 1879 ildә Misir xәdivi E.p.-nı Ekvatorial әyalәtin qubernatoru tәyin etdi; hәmin il ona “bәy”, 1888 ildә isә “paşa” rütbәsi verildi. 1877–88 illәrdә E.p. Ağ Nilin yuxarı axarına vә Böyük göllәrә (Şәrqi Afrika) ekspedisiyalar tәşkil etmiş, hәmçinin coğrafi vә etnoqrafik tәdqiqatlar aparmışdır. Bu ekspedisiyalar İngiltәrәnin hәmin әrazilәrdә ekspansiya planlarının reallaşması üçün zәmin olmalı idi. 1885 ildә mehdiçilәr Xartumu tutduqdan vә İngiltәrә – Misir qoşunları Şimali Sudandan çәkildikdәn sonra E.p.-nın ekspedisi yasının Misirlә әlaqәsi kәsildi. 1889 ildә onun kömәyinә göndәrilmiş Stenlinin ekspedisiyası ilә birlikdә Şәrqi Afrika sahillәrinә çıxdı. 1890 ildә E.p. Almaniya hökumәtinә xidmәtә başladı vә Almaniya Şәrqi Afrikası ilә Kamerun arasındakı әrazilәrdә Almaniyanın tәsirini yaymaq mәqsәdilә başlanmış ekspedisiyaya rәhbәrlik etdi. Hәmin ekspedisiya zamanı hәlak olmuşdur. E.p.-nın gündәlik lәri (“Die Tagebücher von Dr. Emin Pascha”, Bd. 1–4, 6, Braunschweig –Hamb., 1919–27) 19 әsrin sonunda Şimal-Şәrqi Afrikada İngil tәrә vә Almaniya müstәmlәkә ekspansi yalarının tarixini öyrәnmәk baxımından maraq doğurur. E.p. Os manlı dövlәtindә qulluq etdiyi dövrdә xәs tәxanalar açdırmış, әsir alınmış zәn cilәrin qul bazarında satılmasına qarşı çıxmışdır. Ornitologiya vә etnoqrafiyanın inkişafında xidmәtlәri olmuşdur.