ƏKRƏM CƏFƏR (Əkrәm Sәfdәr oğlu Cәfәrov) (5.5.1905, indiki İsmayıllı r-nunun Lahıc qәs. – 18.8.1991, Bakı) – Azәrb. şәrq şünası, әdәbiyyatşünas, dilçi. Filologiya e.d. (1971). 1932 ildә 2-ci Moskva Dövlәt Un-tinin dil vә әdәbiyyat şöbәsini bitirmişdir. 1932–37 illәrdә Moskva Dövlәt Pedaqoji İn-tunda vә M.Qorki ad. Ədәbiyyat İn-tunda (Moskva) müәllim işlәmişdir. 1937–39 illәrdә Azәrb. Dövlәt Pedaqoji İn-tunda Azәrb. dili kafedrasının, 1939–42 illәrdә Azәrb. Dövlәt Un-tindә ümumi dilçilik vә Şәrq filologiyası kafedrasının müdiri, 1954–55 illәrdә Azәrb. Dövlәt Un-tindә müәllim, 1955–60 illәrdә Azәrb. SSR EA Nizami ad. Ədәbiyyat vә Dil İn-tunda, 1960–81 illәrdә Şәrqşünaslıq İn-tunda baş elmi işçi vә 1981–91 illәrdә baş elmi mәslәhәtçi işlәmişdir. Ə.C. Şәrq, elәcә dә klassik Azәrb. poeziyasının vәzn, qafiyә sistemi, forma vә janr mәsәlәlәrinin görkәmli tәdqiqatçısı olmuşdur. O, Azәrb. şeirinin poetikasını Şәrq (әrәb, fars, türk, tacik, özbәk, hind vә s.) poetikası ilә qarşılıqlı müqayisәdә geniş şәkildә araşdırmışdır. Ə.C.-in Nizami, Xaqani, Sәdi, Hafiz, Nәsimi, Füzuli, Sabir, Tofiq Fikrәt, Hüseyn Cavid vә b. klassiklәrin әsәrlәrinin tәrtibi, redaktәsi, şәrhi sahәsindә xidmәtlәri böyükdür. Bәdii tәrcümә ilә dә mәşğul olmuşdur. Şeirlәri var. 2015 ildә Bakıda 110 illik yubileyi keçirilmişdir.
Ə s ә r l ә r i: Füzuli şeirinin vәzni. “Mәhәmmәd Füzuli” kitabında. B., 1958; Sabir şeirinin vәzni. “M.Ə.Sabir” kitabında. B., 1962; Əruzun nәzәri әsasları vә Azәrbaycan әruzu (әrәb, fars, tacik, türk vә özbәk әruzları ilә müqayisәdә). B., 1977.
