ENARGİT – sulfidlәr sinfinin mineralı – Cu₃AsS₄. Tәrkibindә Sb (6%-ә qәdәr), Fe, Zn qatışıqları olur. Romb sinqoniyasında kristallaşır. Sütunvarı, lövhәşәkilli kristalları, dәnәvәr, pürüz aqreqatları var. Rәngi poladı-bozdan qonuruçalarlı qarayadәk dәyişir. Metal parıltılıdır. Qeyri-şәffafdır. Sәrtliyi 3,5; sıxlığı 4300–4500 kq/m³. Orta vә aşağı temp-rlu hidrotermal damarlarda vә metasomatik yataqlarda pirit, xalkopirit, sfalerit, qalenit, bornit, xalkozin, lüsonit mineralları ilә birgә rast gәlir. E.-in aşınması zamanı malaxit, azurit, misin arsenatları vә b. minerallar yaranır. Yataqları ABŞ, Çili, Peru, Namibiya, Qazax.-da mәlumdur. Azәrb.-da E. әsasәn Bittibulaq mis-mәrgümüş yatağındadır. Az miqdarda Filizçay vә Ağdәrә yataqlarında, Çıraqdәrә-Toğanalı filiz sahәsindә, Qaladәrәsi, Sәfәrli filiz tәzahürlәrindә, Tutqunçay hövzәsinin qızıl filizi zolağında vә b. qeyd edilir. E.-in böyük yığınları Cu vә As filizi kimi istifadә edilir.

 Енарэит.