ENDOMETRİT, h e y v a n l a r d a – balalığın selikli qişasının iltihabı. Gedişinә görә kәskin vә xroniki olur. Ekssudatın formasına görә kataral, kataral-irinli, fibrinozlu, nekzotik, qanqrenozlu növlәri var. Latent (gizli) xroniki E. forması da mövcuddur.

E. doğum zamanı balalığın selikli qişasının zәdәlәnmәsi vә balalıq boynu vasitәsilә vә ya hematogen yolla oraya mikroorqanizmlәrin (stafilokokklar, streptokokklar, bağırsaq çöplәri vә s.) düşmәsi, ciftin lәngimәsi vә s. sәbәblәrdәn baş verir. Yüngül formalarda heyvanın ümumi vәziyyәtindә az dәyişiklik olur; ağır hallarda әzginlik, zәiflik, bәdәndә temp.-ur nәbz vә tәnәffüs tezliyinin artması, iştahasızlıq, hipotoniya vә atoniya, ishal baş verir. Heyvan zarıyır, belini әyir vә s. Xarici reproduktiv orqanlardan bulantılı ekssudat axır. M ü a l i c ә s i: xәstә heyvanlar quru, isti, işıqlı binaya köçürülmәli, yaxşı yem- lәnmәli vә qulluq. Balalıqdan ekssudat ifrazının qarşısını almaq, infeksiya ilә mübarizә mәqsәdilә tәdbirlәr görmәk. Balalığı isti kalium-permanqanat (1:100), furasilin (1:5000), ixtiol (3%-li) vә s. mәhlullarla yumaq. Sonra daxildәki mayeni bayıra çәkib çıxarmaq. Mikrob әleyhinә vasitәlәrdәn istifadә etmәk. P r o f i l a k t i k a s ı: k.t. heyvanlarını tamkeyfiyyәtli yemlә yemlәmәk, doğuma qәdәr vә doğumdan 2–3 gün sonra sistematik gәzintiyә çıxarmaq.