ENQL (Engle) Robert F. (d. 10.11.1942, Nyu-York, ABŞ) – Amerika iqtisadçısı, Nobel mükafatı laureatı (2003). Fizika üzrә Vilyams kollecindә bakalavr dәrәcәsini (1964), Kornel Un-tindә isә magistr (1966) vә iqtisadiyyat üzrә doktorluq elmi dәrәcәsini almışdır (1969). Massaçusets Texnologiya İn-tunun prof.-u olmuşdur (1969 ildәn). 1975 ildәn bu günәdәk Kaliforniya Un-tindә iqtisadiyyat üzrә prof.-dur. Eyni zamanda o, Nyu-York Un-tindә maliyyә xidmәtlәrinin menecmenti üzrә prof. kimi dәrs deyir (1999 ildәn). Ekonometrika cәmiyyәtinin üzvü- dür. Volatillik (qiymәtlәrin dәyişmәsi) problemini araşdırarkәn etdiyi әsas elmi kәşf ona Nobel mükafatı qazandırmışdır. 1982 ildә E. avtoreqressiv heteroskedastik modelini (Autoregressive Conditional Heteroskedasticity – ARCH) araşdırmış, onun әsasında volatillik dәyişikliklәrini qabaqcadan öyrәnmәk mümkün olmuşdur. “Zaman dәyişikliyi ilә iqtisadi zaman cәrgәlәrinin tәhlili üsullarının tәdqiqi” işinә görә 2003 ildә iqtisadiyyat üzrә Nobel mükafatına layiq görülmüşdür.

Ә s ә r l ә r i: Autoregressive Conditional Heteroskedasticity With Estimates of the Variance of U.K. İnflation, 1982; Semi-parametric estimates of the relation between weather and electricity demand, 1986; Co-integration and Error Correction: Representation, Estimation and Testing, 1987; Handbook of econometrics, 1994; The Use of ARCH/GARCH Models in Applied Econometrics, 2001.