ENQLER (Engler) Adolf Henrix Qustav (25. 03. 1844 – 10.10.1930, Berlin, Dalem) – alman botaniki. Peterburq EA-nın әcnәbi üzvü (1888), EA-nın әcnәbi fәxri üzvü (1927). Tәkamülü bitki coğrafiyasının banilәrindәn biri. 19 әsrin 2-ci yarısı vә 20 әsrin әvvәllәrindә bitkilәrin taksonomiyasına vә fitocoğrafiyaya dair әsәrlәri ilә (“Bitki fәsilәlәrinin tәbii sistemi”) mәşhur olmuşdur. Hәtta 21 әsrin başlanğıcında onun bitki tәsnifatı sistemi (Enqler sistemi) yeganә sistem kimi bir çox herbarilәrdә, tәyinedicilәrdә vә florada istifadә edilir; bu sistem mamırlardan vә şibyәlәrdәn tutmuş çiçәkli bitkilәrә qәdәr floranın geniş tәsvirini verir. E. hәmin bitkilәrin ümumi taksonomiyasına, hәm dә onların ayrı-ayrı bölmәlәrinә dәrindәn bәlәd olmuşdur. Botanika sahәsindә bir sıra fundamental mәlumat-sorğu kitablarının yaradılmasında xidmәtlәri var. 1913 ildә London Linney cәmiyyәti onu Linney medalına layiq görmüşdür. Vәsiyyәtinә әsasәn Berlinin Dalem r-nundakı Botanika bağında dәfn edilmişdir.