ÉNQR (Ingres) Jan Ogüst Dominik (29.8.1780, Montoban – 14.1.1867, Paris) – fransız rәssamı. 19 әsr Avropa akademizminin lideri. Tuluza Zәrif Sәnәtlәr Akademiyasında tәhsil almış, 1797 ildә Parisә gәlәrәk J.-L. Davidin şagirdi olmuşdur. 1806–20 illәrdә Romada oxumuş vә işlәmiş, daha sonra Florensiyada yaşamışdır. 1824 ildә Parisә qayıdaraq rәssamlıq mәktәbi açmışdır. 1835–41 illәrdә Romadakı Fransa Akademiyasının direktoru olmuşdur. 1841 ildәn Parisdә yaşamışdır. E.-ın restavrasiya dövründә yaratdığı әsәrlәrdә romantizm meyillәri özünü göstәrmişdir. O, fransız rәngkarlıq tarixinә parlaq portretçi kimi daxil olmuş vә realist portret tiplәri yaratmışdır [(Rivyerlәr ailәsinin portretlәri, 1805; Napoleonun (1803–04, 1806) portretlәri; L.-F. Bertenin portreti)]. Qadın gözәlliklәrini әks etdirәn әsәrlәr E.-a şöhrәt gәtirmişdir (“Çimmiş qadın”, 1808; “Uzanmış kәniz”, 1814; “Çeşmә”, 1856; hamısı Luvrdadır). Bu әsәrlәrdә forma aydınlığı vә plastiklik güclüdür.

 Енгр Ж. “Щомерин апефеозу”. 1827. Лувр.