ƏL-ARQAR MƏDƏNİYYƏTİ – İspaniyanın c.-ş. vә qismәn mәrkәzi r-nlarında Tunc dövrünә (e.ә. 17–10 әsrlәr) aid arxeoloji mәdәniyyәt. Almeriya әyalәtinin ƏlArqar k. yaxınlığındakı tapıntılara görә adlandırılmışdır. Qazıntılar 1881 ildәn Belçika tәdqiqatçıları L. vә P. Sire tәrәfindәn aparılmışdır. Ə.m. üçün tәpәlәrdә salınmış, daş divarlarla möhkәmlәndirilmiş mәskәnlәr sәciyyәvidir. Daş evlәr, әsasәn, düzbucaq planlıdır; bir neçә otaqdan vә su tәchizatı üçün şüşәbәndlәrdәn ibarәtdir. Qazıntılar zamanı metallurgiya emalatxanalarının qalıqları, daşdan tökmә formaları, tunc (üçbucaqlı xәncәrlәr, yastı baltalar, uz. 60 sm-dәn çox olan qılınclar, yarpaqşәkilli bıçaqlar) vә daş mәmulatlar, tuncdan, gümüşdәn vә qızıldan bәzәk әşyaları, o cümlәdәn qadınlar üçün gümüş diademalar tapılmışdır. Ə.m. üçün sәthi qara vә tündqәhvәyi rәngli, ornamentsiz keramika (kürәvarı camlar, hündürayaqlı qәdәhlәr, konusvarı boğazı olan qablar) sәciyyәvidir. Ölülәr, adәtәn, üstü daş qapaqla örtülmüş yumurtavarı saxsı urnalarda, bәzәn 6 tavadaşından ibarәt daş qutularda, nadir hallarda isә daşlarla әhatәlәnmiş sadә quyularda; uşaqlar isә sәhәnglәrdә dәfn olunurdular. Dәfn yerlәri çox vaxt evlәrdә döşәmәnin altında vә ya divarların içәrisindәdir.

Ял-Аргар мядяниййяти. Цчайаглы габ (солда). Е.я 15–12
ясрляр; щцндцр- айаглы гядящ (саьда). Е.я. 22–15 ясрляр. Милли археолоэийа музейи.
Мадрид.