ƏLBİSTAN – Türkiyәnin Ağdәniz bölgәsindә, Qәhrәmanmaraş ilindә şәhәr. Əlbistan ilçәsinin inz. m. Əh. 95 min (2012). Dәniz sәviyyәsindәn 1150 m yüksәklikdә yerlәşir.

Ə. әrazisindәn Üst Paleolit vә Neolit dövrlәrinә aid tapıntılar әldә edilmişdir. Tunc dövrünün sonunda Kizzuvatna çarlığının tәrkibindә olan Ə. sonralar hetlәrin hakimiyyәti altına keçmişdir. Əhәmәnilәr dövründә Kappadokiya satraplığına daxil idi. Erkәn orta әsrlәrdә Bizansın tәrkibindә olmuşdur. 951 ildә Hәmdani әmiri Seyfüddövlә tәrәfindәn işğala mәruz qalmış vә viran qoyulmuşdur. Sonralar Ə. bölgәsinә daxil olan Afşin ş. “Əshabi-Kәhf” rәvayәtinin baş verdiyi әrazi kimi qәbul edildiyindәn müsәlmanların әsas ziyarәtgahlarından birinә çevrilmişdir. 11 әsrin әvvәllәrindә Sәlcuqilәrin idarәçiliyindә olan Ə. 1097 ildә sәlibçilәrin әlinә keçmişdir. 1105 ildә Sultan I Qılınc Arslan tәrәfindәn azad edilmiş, 1124 ildәn Danişmәndilәrin, 1202 ildәn Konya sultanlığının hakimiyyәti altında olmuşdur. 1338 ildәn Zülqәdәrlәr bәyliyinin mәrkәzi idi. 1505 ildә Sәfәvi hökmdarı Şah I İsmayıl tәrәfindәn tutulmuşdur. 1521 ildәn Osmanlı imperiyasına qatılmışdır. Türkiyә Cümhuriyyәtinin elanından (1923) sonra Qәhrәmanmaraş vil.-nin tәrkibindәdir.

Şәhәrdә 15 әsrin sonu – 16 әsrin әvvәllәrinә aid Ulu came, inşa tarixi bilinmәyәn qәdim Hümmәtbaba mәscidi var.

Ялбистан шящяриндян эюрцнцш.