ƏLƏKBƏROV İlham Xәyyam oğlu (d.20.11.1948, Bakı) – Azәrb. zooloqu, biol. e.d. (1987), prof. (2009), AMEA-nın m. üzvü (2007). Azәrb. Dövlәt Un-tini bitirmişdir (1971). 1972 ildәn Azәrb. SSR EA Zoologiya İn-tunda işlәyir (1989 ildәn protistologiya laboratoriyasının müdiridir). 2011–16 illәrdә AMEA-nın Zoologiya İn-tunun direktoru olmuşdur. Tәdqiqatları ümumi ekologiya vә zoologiya (biomüx tәliflik), sәrbәstyaşayan infuzorların vә çanaqlı amöblәrin ekologiyası vә biocoğrafiyası sahәsindәdir. Azәrb.-ın su vә torpaqlarında, hәmçinin dünyanın bir sıra bölgәlәrindә (Rusiya, Ukr., Orta Asiya, Polineziya), Çukot vә Berinq dәnizlәrinin infuzor faunasını tәdqiq etmişdir. İnfuzor vә çanaqlı amöblәrin elm üçün yeni olan 4 fәsilә vә 15 cinsini әsaslandırmış, 150-dәn çox növünün ilk dәfә olaraq tәsvirini vermişdir. Bir sıra histoloji vә ekoloji üsulların, müxtәlif çirklәnmә (neft, ağır metallar vә pestisidlәr) növlәrinin infuzorlar vasitәsilә biotestlәşdirilmәsinin ekspres üsulunu işlәyib hazırlamışdır. Azәrbaycan Respublikasının Prezidenti yanında Ali Attestasiya Komissiyasının biologiya vә aqrar elmlәri üzrә Ekspert Şurasının sәdridir. 170-dәn ar tıq elmi әsәrin müәllifidir. Elmi kadrların hazırlanmasında xidmәti var.                                                                                                                                            Ə s ә r l ә r i: Атлас свободноживущих инфузорий (классы Kinetofragminоphora, Colpodea, Olygohymenophora, Polyhyminogilora). Б., 2005; Свободнодвижущие инфузории Азербайджана (экология, зоогеография, практическое значение). Б., 2012.