ƏLƏKBƏROV Urxan Kazım oğlu (d.28.4.1943, Bakı) – Azәrb. genetiki, davamlı inkişaf üzrә mütәxәssis. Biol. e.d. (1978), prof. (1984). Azәrb. SSR EA-nın hәqiqi üzvü (1989; m. üzv 1983). Kazım Əlәkbәrovun oğludur. Azәrb. Dövlәt Un-tini (indiki BDU) bitirmişdir (1965). Azәrb. SSR EA-nın Botanika İn-tunda kiçik elmi işçi (1965–68), elmi katib (1969–72), elmi işlәr üzrә direktor müavini (1972– 78), direktor (1978–87), Azәrb. EA-nın vitse-prezidenti (1987–96) vәzifәlәrindә çalışmışdır. AMEA Genetika vә Seleksiya İn-tunun direktoru (1988–2002), 2011 ilәdәk AMEA-nın Rәyasәt Heyәtinin müşaviri olmuşdur. 2011 ildәn Azәrb. Respublikasının Prezidenti yanında Dövlәt İdarәçiliyi Akademiyasının rektorudur. Ətraf mühitin tәbii, iqtisadi, sosial vә siyasi komponentlәrdәn ibarәt vahid sistem kimi idarә edilmәsi sahәsindә tәdqiqatlar aparmışdır. “Yaşıl” tәfәkkür (demoqrafiya vә istehlak mәdәniyyәti) vә “yaşıl” iqtisadiyyata әsaslanan ekoloji sivilizasiya konsepsiyasının (1989) müәllifidir. 1985 ildә YUNESKO, YUNİSEF vә BMTİP proqramlarının bir sıra ölkәlәrdә reallaşmasının iştirakçısı vә rәhbәri olmuşdur. ABŞ, Türkiyә, Almaniya vә İsrail un-tlәrindә davamlı inkişaf vә ekoloji sivilizasiyaya dair mühazirәlәrlә çıxış etmişdir. YUNESKO-nun “İnsan vә Biosfer” Proqramı üzrә Beynәlxalq Əlaqәlәr Şurasının (Paris) üzvü, BMT-nin İnsan hüquqları proqramının insan inkişafı üzrә әlaqәlәndiricisi (1994–2004) olmuş, 2004 ildәn müşavirdir. Avropa Yenidәnqurma vә İnkişaf Bankı (London) Mәslәhәtçilәr Şurasının üzvü olmuşdur (2000–11). 300-dәn çox әsәrin, o cümlәdәn 30 kitabın müәllifidir. Elmi kadrların hazırlanmasında xidmәti var. “Şәrәf nişanı” ordeni, Azәrb. Resp.-nın “Şöhrәt” ordeni ilә tәltif edilmişdir.
Ə s ә r l ә r i: Antimutagenlәr vә genetik aparatın mühafizә problemi. B., 1979; Антимутагенез. M., 1984; Davamlı insan inkişafı vә ekoloji sivilizasiyanın әsasları. B., 2013. Sürdürülebilir insani gelişim ve ekoloji sivilizasyonun esasları. Anadolu Universitesi, Eskişehir, 2014; İnsan inkişafının әsasları. B., 2016.