ƏLƏSGƏROV Murtuz Nәcәf oğlu (20.9. 1928, Gәncә – 7.8.2012, Bakı) – Azәrb. dövlәt vә ictimai-siyasi xadimi. Hüquq e.d. (1969), prof. (1969), Azәrb. SSR әmәkdar hüquqşünası (1980). Azәrb. Dövlәt Untini (indiki BDU) bitirmişdir (1950). 1954 ildәn Azәrb. Dövlәt Un-tindә baş müәllim kimi fәaliyyәtә başlamış, beynәlxalq hüquq (1960–65), dövlәt hüququ (sonralar konstitusiya hüququ) kafedralarının müdiri (1965 ildәn ömrünün sonunadәk) olmuşdur. 1993–96 illәrdә BDU-nun rektoru idi. Azәrb. Resp. Milli Mәclisinin (1–3-cü çağırış)  deputatı,  Milli  Mәclisin  sәdri (1996–2005) seçilmişdir. Azәrb. Resp.-nın ilk konstitusiyasının hazırlanmasında böyük xidmәtlәri olan Ə. Yeni Azәrbaycan Partiyasının tәsis olunması vә formalaşdırılmasında fәal iştirak etmiş, ömrünün sonunadәk partiyanın sәdr müavini vәzifәsini tutmuşdur. Beynәlxalq Hüquq Assosiasiyasının, Respublika Hüquqşünaslar İttifaqı İdarә Heyәtinin, Respublika Prokurorluğu vә Ali Mәhkәmәsinin Elmi Mәslәhәt Şurasının üzvü olmuşdur. 200-dәn çox elmi әsәrin, o cümlәdәn bir neçә monoqrafiyanın müәllifidir. Elmi kadrların hazırlanmasında xidmәti var. Azәrb. Resp.-nın “İstiqlal” (1998), RF-nin “Dostluq” (2005) ordenlәri ilә tәltif edilmişdir.

Əsәrlәri: Şәrq ölkәlәrinin gәnclәri sülh vә milli istiqlaliyyәt uğrunda mübarizәdә. B., 1958; Tәbiәt vә qanun. B., 1980.