ƏLƏSGƏROV   Sabir   Mәmmәd   oğlu (d.27.10.1936, Tbilisi) – Azәrb. diktoru. Azәrb. Resp. xalq artisti (1998). Azәrb. Pedaqoji Rus Dili vә Ədәbiyyatı İn-tunu bitirmişdir (1961). Azәrb. Dövlәt Teleradio Verilişlәri Komitәsindә (indiki Azәrb. Televiziya vә Radio Verilişlәri QSC) fәaliyyәtә başlayan Ə. 1966–72 illәrdә radionun, 1972–90 illәrdә  televiziyanın baş diktoru, 1990–2006 illәrdә televiziyanın diktorlar şöbәsinin müdiri olmuşdur. “Xәbәrlәr” informasiya proqramının, “Sәadәt”, “Günün nәbzi”, “Sәfa” vә s. verilişlәrin daimi aparıcısı olmuşdur. Hökumәt tәdbirlәri vә bayram şәnliklәrindәn reportajların, dövlәt әhәmiyyәtli verilişlәrin hazırlanıb efirә verilmәsindә yaxından iştirak etmişdir.