ƏLİ KƏRİM (Əli Paşa oğlu Kәrimovun tәxәllüsü; 18.3.1931, Göyçay – 30.6.1969, Bakı; Göyçayda dәfn olunmuşdur) – Azәrb. şairi. Azәrb. Teatr İn-tunun teatrşünaslıq   fakültәsindә (1949–51), M.Qorki ad. Ədәbiyyat İn-tunda (1951–55,  Moskva) tәhsil almışdır. “Azәrbaycan” jurnalı redaksiyasında әdәbi işçi, poeziya şöbәsinin müdiri olmuşdur. Bәdii yaradıcılığa 1948 ildә “Azәrbaycan pioneri” qәzetindә çap etdirdiyi “Tәzә müәllim” şeiri ilә başlamışdır. 1957 ildә “İlk simfoniya” poeması gәnclәrin vә tәlәbәlәrin 6-cı Ümumdünya festivalında (Moskva) mükafata layiq görülmüşdür. “İki sevgi” (1960), “Hәmişә sәfәrdә” (1963), “Qızıl qanad” (1965), “Qaytar ana borcunu” (1970), “Uşaqlar vә ulduzlar” (1971), “Sәfәrdәn sonra” (1972 ) vә s. şeir vә poema kitabları nәşr olunmuşdur. Ə.K. yaradıcılığı yeni әdәbi düşüncәnin mәhsulu olan әsәrlәri, seçilmiş mövzunu orijinal işlәnmә tәrzi ilә seçilir. “Üçüncü atlı” (1959) poeması M.Y.Lermontova, “Heykәlin qardaşı” (1966) poeması Sovet İttifaqı Qәhrәmanı C.Əhmәdova hәsr olunmuşdur. “Pillәlәr” (1964) romanı, “Ürәk güzgüsü” pyesi var. Şeirlәri başqa xalqların dillәrinә tәrcümә olunmuşdur.

Əsәrlәri: İki sevgi. B., 1960; Qızıl qanad. B., 1965; Qaytar ana borcunu. B., 1970; Pillәlәr (roman). B., 1987; Seçilmiş әsәrlәri. B., 1991; Mavi nәğmәnin sahilindә. B., 1991; Qaytar ana borcunu. Tәbriz, 2008.