ƏLİMOV  Əhmәdxan  Kәrimxan   oğlu (1.4.1931,  Qusar  r-nunun  Mucuq  k.  – 22.12.2014, Bakı) – Azәrb. geoloqu, geologiya-mineralogiya  e.d.  (1989),  prof. (1991). 1957 ildә Azәrb. Sәnaye İn-tunu (indiki ADNSU) bitirmişdir; hәmin ildәn ömrünün sonunadәk Azәrb. Hidrotexnika vә Meliorasiya ETİ-dә texnik, mühәndis, baş elmi işçi, “Meliorativ hidrogeologiya” laboratoriyasının müdiri vәzifәlәrindә işlәmişdir. Tәdqiqatları torpaqların vә yeraltı suların istilik, su-duz rejiminin, kollektordrenaj sularının coğrafiyası vә formalaşması qanunauyğunluqlarının, meliorativ tәdbirlәrin hidrogeoloji şәraitә tәsirinin öyrәnilmәsinә aiddir. 1980 – 95 illәrdә Azәrb. Neft vә Kimya İn-tunda pedaqoji fәaliyyәt göstәrmişdir. 168 elmi әsәrin, o cümlәdәn 3 monoqrafiyanın müәllifidir. Elmi kadrların hazırlanmasında xidmәti var.

Əsәrlәri:  Şimali  Muğanın  qrunt  sularının meliorasiya ilә әlaqәdar olaraq rejim vә balansı. B., 1997;  Meliorativ-hidrogeoloji  proqnozların әsaslandırılmasında hidrogeoloji proseslәrin rolu vә suduz balansının qidalanma mәnbәlәrinin miqdarca qiymәtlәndirilmәsi. B., 2001; Xәzәr hövzәsinin ekoloji problemlәri. B., 2007.