ƏLİRZAYEV Əli Qәnbәrәli oğlu (d.30. 3.1945, Nax. MR, Babәk r-nunun Nehrәm k.) – Azәrb. iqtisadçısı, iqtisad e.d. (1985), prof. (1993). Azәrb. Resp. әmәkdar elm xadimi (2002). Azәrb. Politexnik İn-tunu bitirmişdir (1968). Azәrb. SSR EA-nın İqtisadiyyat İn-tunda kiçik elmi işçi, böyük elmi işçi, şöbә müdiri (1973–86), Azәrb. Xalq Tәsәrrüfatı İn-tununda elmi işlәr üzrә prorektor (1986–89) vә prof. (1989–91), Naxçıvan Dövlәt Un-tinin iqtisadiyyat vә idarәetmә kafedrasının müdiri (1991–93), 1993–97 ildәn Azәrb. Dövlәt İqtisad Untindә prof., 1997 ildәn kafedra müdiri vәzifәsindә çalışır. Azәrb. Resp.-nın Milli Mәclisinin (1–3-cü çağırış) deputatı, iqtisadi siyasәt komissiyasının sәdr müavini olmuşdur. Tәdqiqatları respublikanın sosial inkişafı, hәyat sәviyyәsi, bazar münasibәtlәri şәraitindә islahatların nәzәri-metodoloji problemlәri, riyazi-iqtisadi metodlar, bazar iqtisadiyyatında dövlәt tәnzimlәnmәsi sahәlәrinә aiddir. Gәlir vә istehlak balanslarının regionlar üzrә metodologiyasını yaratmışdır. 300-ә yaxın elmi әsәrin, o cümlәdәn 2 monoqrafiyanın müәllifidir. Elmi kadrların hazırlanmasında xidmәti var.

Əsәrlәri: Взаимосвязь социальных и экономических процессов. Б., 1986; Azәrbaycanda sahibkarlığın inkişafı problemlәri vә hәlli yolları: nәzәriyyә vә tәcrübә. B., 2000.