ƏLİYEV Ehtiram İsrayıl oğlu (d. 1.8.1972, Ucar r-nunun Qazyan k.) – Azәrb.-ın Milli Qәhrәmanı (4.4. 1995). 1992–96 illәrdә hәrbi xidmәtdә olmuşdur. Nax. MR-in Sәdәrәk vә Batabat yaylağında ermәnilәrlә döyüşlәrdә şücaәt göstәrmişdir. 1993 ildә Ağdam cәbhәsinә
göndәrilmiş, Ağdam, Füzuli, Cәbrayıl r-n larında gedәn hәrbi әmәliyyatlarda rәşadәtlә döyüşmüşdür. 1994 ilin yanvarında işğal etdiklәri әrazilәrdәn geri çәkilmәyә mәcbur olan ermәnilәrlә mübarizәdә yaralansa da, müalicәdәn sonra yenidәn sәngәrә qayıtmış, Tәrtәr cәbhәsinә göndәrilmişdir. 1996 ildә ordudan tәrxis edilmiş, 1997–98 illәrdә Bakının Sabunçu r-n Polis İdarәsindә işlәmişdir. Hazırda Bakı Beynәlxalq vә Şәhәrlәrarası Avtovağzalının rәis müavini vәzifәsindә çalışır.