ƏLİYEV Əbülfәz Qәdirqulu oğlu, E l ç i b ә y (24.6.1938, Azәrb. SSR Ordubad r-nunun (Nax. MR) Kәlәki k. – 22.8.2000, Ankara; Bakıda Fәxri Xiyabanda dәfn olunmuşdur) – ictimai-siyasi xadim, şәrqşünas-tarixçi. Azәrb. Dövlәt Un-tinin şәrqşünaslıq fakültәsinin әrәb filologiyası şöbәsini (1962) vә aspiranturasını (1967) bitirmişdir. Əmәk fәaliyyәtinә SSRİ Hidrolayihә İn-tunun Bakı şöbәsindә başlamış, 1963 ildә Misir Ərәb Resp.-nda Asuan bәndinin tikinti sindә tәrcümәçi kimi çalışmışdır. 1969 ildә “Tulunilәr dövlәti” mövzusunda namizәdlik dissertasiyası müdafiә edәrәk tarix elmlәri namizәdi adını almışdır. 1968–75 illәr dә Azәrb. Dövlәt Un-tinin Asiya vә Afrika ölkәlәri tarixi kafedrasında müәllim vә baş müәllim işlәmişdir. 1975 ildә siyasi baxışlarına görә – tәlәbәlәr arasında millәtçi vә antisovet tәbliğatı aparmaq adı ilә hәbs edilmiş, 1976 ildә hәbsdәn buraxılmışdır. 1976–92 illәrdә Azәrb. EA Əlyazmalar İn-tunda kiçik elmi işçi, baş elmi işçi, şöbә müdiri, aparıcı elmi işçi olmuşdur. Ermәnistanın Azәrb.-a tәcavüzü ilә әlaqәdar ümumxalq hәrәkatında  fәal iştirak etmiş, 1989 ildә yaradılan Azәrb. Xalq Cәbhәsinin, sonralar isә Azәrb. Xalq Cәbhәsi Partiyasının sәdri seçilmişdir. 1992 ilin iyununda Azәrb.Resp.-nın Prezidenti seçilmişdir. 1993 ilin iyununda prezident kürsüsünü tәrk edәrәk Ordubad r-nunun Kәlәki k.-nә getmiş vә 1997 ilәdәk orada yaşamışdır. Bakıya qayıtdıqdan sonra yenidәn aktiv siyasi fәaliyyәtә qoşulan Ə. ömrünün sonunadәk Azәrb. Xalq Cәbhәsi Partiyasına rәhbәrlik etmişdir.