ƏLİYEV Əlәkbәr Hәsәn oğlu (22.12.1955, Qubadlı r-nunun İşıqlı k. – 7.8.1992, Laçın r-nu) – Azәrb.-ın Milli Qәhrәmanı (ölümündәn sonra, 7.12.1992). Sumqayıt Politexnik Texnikumunu bitirmişdir. Qubadlı r-n Kimya Birliyinin sәdri, s-z direktorunun müavini vәzifәlәrindә işlәmişdir. Qarabağ müharibәsi zamanı özünümüdafiә dәstәsi yaradaraq Laçın r-nunun Türklәr, Sәfiyan, Suarası kәndlәrindә gedәn döyüşlәrdә rәşadәtlә vuruşmuşdur. 1992 il avqustun 7-dә Suarası k. uğrunda gedәn döyüşdә tәkbaşına 20-yә yaxın ermәni quldurunu mәhv edәrәk qәhrәmancasına hәlak olmuşdur. Bakıda, Şәhidlәr Xiyabanında dәfn edilmişdir. Adına mәktәb var.