ƏLİYEV Hüseyn Əlirza oğlu (22.4.1911, Yelizavetpol qub., Zәngәzur qәzasının Comәrdli k. – 21.5.1991, Bakı) – Azәrb. rәssam-qrafiki, boyakar. Azәrb. SSR xalq rәssamı (1982). Azәrb. Dövlәt Rәssamlıq Texnikumunda (1932), Leninqrad (indiki S.- Peterburq) Ümumrusiya Rәssamlıq Akademiyasında (1935) tәhsil almışdır. Yaradıcılığa qrafik-rәssam kimi başlamış, “Molla Nәsrәddin” jurnalı ilә әmәkdaşlıq etmiş, silsilә karikaturaları dәrgidә çap olunmuşdur (1929–30). 1935–87 illәrdә “Kommunist” (indiki “Xalq qәzeti”) qәzetindә bәdii tәrtibat şöbәsindә baş rәssam, şöbә müdiri vәzifәlәrindә işlәmişdir. Böyük Vәtәn müharibәsindә (1942–45) iştirak etmiş, siyasi tәşviqat plakatları, rәsm vә karikaturalar çәkmişdir. 1960–80-ci illәrdә, әsasәn, monotipiya texnikasında  çәkdiyi mәnzәrә silsilәlәri (“Göygöl”, “Sürülәr yaylaqda”, “Naxçıvanın dağları”, “Cәnub rayonlarında”, “Şәfәq”, “Qızıl payız”, “Dağlarda qış”, “Dağ süxuru”, “Mәnzәrә”, “İslanmış çәmәn” vә s.) dәrin mәzmun vә faktura dolğunluğu ilә seçilir. Portret sahәsindә dә fәaliyyәt göstәrmişdir (“M.F. Axundov”, 1938; “Ü. Hacıbәyov”, “Nizami”, 1940; “Füzuli”, 1988). 1971 ildә Rumıniyanın Konstante ş.-ndә sәrgisi keçirilmişdir. Xalqlar dostluğu ordeni ilә tәltif olunmuşdur.

Ялийев Щ.Я. “Гызыл пайыз”. 1970.